WAZAZI WATAKIWA KUWAPATIA WATOTO WAO ELIMU BORA

 MKUU wa wilaya ya Tanga,Halima Dendego amewataka wazazi na walezi wilayani tanga  kuwapatia watoto wao elimu bora  kutokana na kuwepo kwa tabia ya wazazi na walezi kutokuwa na moyo wa kusimamia elimu za vijana wao sasa msikilizaji una maoni gani kulingana na agizo hilo la mkuu wa wilayaa ya Tanga  na nini mtazamo wako katika hili?ambayo itawasaidia katika maisha yao ya baadae.

Dendego ametoa kauli hiyo mwishoni mwa wiki wakati akizungumza kwenye mahafali ya kwanza ya shule ya sekondari ya wavulana ya Elohim yaliyofanyika shuleni hapo.

Amesema suala la elimu sio la kufumbiwa macho bali linapaswa kupewa kipaumbele ikiwemo wazazi kufuatilia maendeleo ya watoto wao lengo likiwa ni kuwapa msukumo wa kupenda kusoma.

Ameongeza kuwa watoto wanapopatiwa elimu itaweza kuwakomboa na kuwapa maarifa ya kuendesha maisha yao vizuri ikwemo kusaidia jamii ambazo zinawazunguka.

Mkuu huyo wa wilaya ameeleza kuwa serikali itaendelea kuunga mkono juhudi zinazofanywa na shule binafsi ili waweze kuchangia maendeleo ya elimu wilayani hapa.

Katika hatua nyengine wakati akisoma hotuba yake kwenye mahafali hayo,Dendego amempa muda wa siku kumi na nne Mkurugenzi wa Halmashauri ya Jiji la Tanga,Juliana Malange kumuonyesha barabara ya kufika shuleni ya sekondari ya Elohim iliyopo eneo la Mwahako jijini Tanga.

Kauli hiyo inatokana na eneo hilo kutokuwa na barabara nzuri ya kupita wakati wa kwenda shuleni hapo kitendo ambacho kinawapa wakati mgumu wazazi na walezi wanaotaka kwenda shuleni hapo kuwatembelea watoto wao.