ELIMU BADO CHANGAMOTO KWA WANAFUNZI SHULE YA SEKONDARI ELOHIMU BOYS

Licha ya shule ya sekondari ya wavulana ya Elohim kuwa na maendeleo mazuri kitaaluma inakabiliwa na changamoto ya wanafunzi wengi kushindwa kujitambua na  kuona suala zima la kusoma kama mzingo waliotishwa na wazazi wao.

Kauli hiyo imetolewa leo na Mwalimu Mkuu wa shule hiyo,Jofrey Makanza wakati akisoma hotuba yake kwa mkuu wa wilaya ya Tanga,Halima Dendego kwenye mahafali ya kwanza ya kidato cha nne ya shule hiyo.

Makanza amesema suala lengine ambalo limekuwa kikwazo kwao ni wazazi,walezi kushindwa kulipa ada zao kwa wakati na kueleza jinsi wanavyokabiliana nayo likiwemo la kuwakumbusha wazazi kutimiza wajibu wao ikiwemo kuwarudisha nyumbani.

Amesema wanafunzi wanaoshindwa kuonesha uendelevu wa kitaaluma kwa kiwango kinachostahili hupewa ushauri unaostahili na walimu wakishirikiana na wazazi wao ili kupata wahitimu bora na sio bora wahitimu sanjari na mkakati wa serikali wa Big result now.

Aidha ameishukuru serikali kwa mikakati mbalimbali ya kielimu inayoiweka ili kuinua kiwango cha ufaulu kwa watoto hususani kurejeshwa mitihani ya kidato cha pili.